মঙ্গলবার, ০৬ ডিসেম্বর ২০২২, ১১:১০ অপরাহ্ন

ব্রেকিং নিউজ :
প্রতিনিধি আবশ্যক, অনলাইন পত্রিকা আমার সুরমা ডটকমের জন্য প্রতিনিধি নিয়োগ দেয়া হবে। আগ্রহীরা যোগাযোগ করুন : ০১৭১৮-৬৮১২৮১, ০১৬২৫-৬২৭৬৪৩

আমরা ঘরর তাইনে খালি

 

 

 

 

 

 

 

নাজমুল ইসলাম মকবুল:
আমরা ঘরর তাইনে খালি খুটা দেইন
সামনে পাইলে তেলদি ভাসাইন হরিগেলে কাটইন লেইন।।
কারে কিলা ঠগতা ছাছায়
মাতইন যে তাইন হাছায় মিছায়
ছাল্লা দিয়া বেঙ্গা লাগাই বাদে আরবার মলম দেইন।।
তাইনরবুলে যবর আখল
বিছার করারলাগি পাগল
বেরা লাগাই তাইনউ ছুটাইন পকেট ভরি টেখা নেইন।।
এনরে দিয়া তানরে লাগাইন
বিছার করতে দলাল পাঠাইন
আনামতি টেখা খাটাই ককদিন বাদে মারিদেইন।।
ইলেকশনো বাড়িত গিয়া
মাথাখান কইন দেও আতাইয়া
নেতা নেত্রী দেখলে গিয়া ফটো তুলতে ঠেলাইন হেইন।।

(ছিলটর আঞ্চলিক)

নিউজটি শেয়ার করুন

© All rights reserved © 2017-2019 AmarSurma.Com
Design & Developed BY ThemesBazar.Com
error: